Фестивалите на храна го нудат вистинскиот вкус на дестинацијата во која што се наоѓате, прикажувајќи ја кулинарната магија на локалните готвачи и експерти за вино, пиво и сл.
Еве дел од најпопуларните вакви фестивали вредни за посета во 2018:
Хавајскиот фестивал на храна и вино – 6-28 октомври
Секоја година на овој фестивал гостуваат над 100 најдобри готвачи, производители на вино и миксолози од светот. Фестивалот ја слави хавајската историја, народот и културата и вклучува настани на 3 острови.
Windy City Smokeout, Чикаго – 13-15 јули
Фестивалот се смета за еден од најдобрите фестивали на скара, пиво и кантри музика во САД, чиј домаќин е популарниот локален ресторан Bub City, а кој секоја година го посетуваат над 45 000 гости.
Кајманско готвење – 11-14 јануари
Фестивалот се одржува на Карибите, а негов домаќин е Ерик Риперт, познат готвач од Њујорк. Останатите кулинарски ѕвезди се Хозе Андрес, Ентони Бурден, Роберт Ирвин и др.
Фестивалот на храна во Единбург – 3-5 август
Ова е најголемиот фестивал од овој вид во Англија, а за време на неговото траење посетителите ќе имаат можност да се запознаат со многу готвачи, да уживаат во музичката програма, како и да ги посетат предавањата врзани за здравата исхрана. Со VIP билетот, пак, се добива чашка шампањ, пристап до VIP областите, приоритетен влез на некои настани, како и торба со подароци.