Кога го планирате вашиот одмор, без разлика дали се работи за зимски или летен, секогаш сакате да добиете најдобра услуга за парите кои ги давате.
Прочитајте ги советите кои ќе ги споделиме со вас за да имате максимален возврат за она што го давате.
1. Останете преку викенд
Престојот во хотелите е најефтин за време на викенд бидејќи преку работната недела има многу бизнисмени кои често патуваат и состаноците најчесто ги одржуваат во хотелите. Најевтино може да го платите сместувањето за време на викендите.
2. Резервирајте го сместувањето од вашиот мобилен
Доколку сакате да бидете дел од добра зделка, букирајте го сместувањето од вашиот мобилен, а не од лаптоп. Тоа е поради фактот што е се почеста употребата на мобилните телефони и интернетот на нив, па најчесто добрите зделки се таргетирани токму за овие корисници.
3. Побарајте соба на повисоките катови
Апартманите и повеќето премиум соби се наоѓаат на повисоките катови во хотелите. За исти пари ќе добиете помалку бучава, подобар апартман и други работи кои ги нема во собите на пониските катови.
4. Потенцирајте доколку патувањето е со цел
Доколку патувањето е организирано за да го прославите вашиот роденден, потенцирајте го тоа. Многу се поголеми можностите да добиете подобар апартман или пак во апартманот да ве чека шише шампањ. Сето ова направете го во раните утрински часови.
5. Консултирајте се за тоа дали појадокот е вклучен
Дури и во зделката да нема вклучен појадок за цената која сте ја платиле, секогаш веднаш штом пристигнете прашајте за тоа дали како гостин имате право на некаков попуст во ресторанот или пак некои специјални понуди кои се резервирани само за посетителите на хотелот.