Иако често се вели дека „ниедно место не е како дома“, секоја локација си има некоја своја убавина на која можеби оние кои живеат таму не и обрнуваат премногу внимание, но за некој кој прв пат се наоѓа таму или ја гледа на фотографија му се чини прекрасна и далеку поубава од неговoто „дома“.
Еве како изгледаат улиците во некои делови од светот кои ќе го разбудат тоа чувство кај вас:
1) Маракеш, Мaроко
Маракеш е град исполнет со бои, а доколку сте таму една од задолжителните локации за посета е Медина, центарот преполн со туристички сувенири, превкусна храна и пријателско локално население.
2) Хавана, Куба
Улиците на Хавана изобилуваат со контрадикторни елементи кои совршено се склопуваат во вистински хармонични пејзажи - пастелните бои се мешаат со силните, додека стари автомобили се движат по гламурозните улици.
3) Таjпеj Сити, Тајван
Џуфен, мало планинско село во областа Руифанг во Таjпеj, Тајван, е познатo по калдрмите, прекрасниот поглед на океанот и препознатливите црвени фенери на улиците.
4) Картагена, Колумбија
Заборавете го Париз – Картагена е градот кој вистински го доловува духот на љубовта и романсата.
5) Кјото, Јапонија
Поранешниот главен град на Јапонија, Кјото, е познат по градините и историските храмови и светилишта, а Хигашијама е една од најсочуваните историски области каде може да се движат само пешаци. Преполна со традиционалните јапонски палати наречени „риокан“
6) Умбрија, Италија
Често наречен „зеленото срце“ на Италија, Умбрија е специфичен град бидејќи е единствениот италијански регион кој нема ниту крајбрежје ниту граница со ниедна друга земја.
7) Белизе, Централна Америка
Познат по стапката на криминалот, Белизе е визуелно прекрасен град исполнет како со убави колонијални домови, така и со истрошени згради со инфраструктура која пропаѓа.
8) Сужоу, Кина
Сужоу е лоциран во југоисточната провинција на Источна Кина, Жиангсу. Покрај тоа што во последно време е „жртва“ на модернизацијата, тука сепак можат да се видат хармонични павилјони, градини, канали кои ја преживеале, и исклучително прекрасни пагоди.
9) Бахиа, Бразил
Бахиа е пример што се случува кога ќе се измешаат африканските и португалските стилски влијанија.
10) Евора, Португалија
Oвој средновековен португалски град е толку сочуван што UNESCO го нарекуваат „град-музеј“.