Иако голем број градови низ светот ги привлекуваат љубителите на храната, некои од нив имаат многу повеќе да понудат во споредба со другите.
Еве кои градови би биле најдобра дестинација доколку целта при патувањето ви е да пробате што повеќе и што повкусни јадења:
1) Милано, Италија
Покрај тоа што е еден од најголемите модни центри во светот, овој град нуди разновидна храна со 45 национални јадења, но и интернационални рецепти.
2) Франкфурт, Германија
Франкфурт има познати локални рецепти кои не се баш за секого – како “apfelwein”, пијалок од ферментирани јаболка, или “schweinshaxen“ т.е свински зглобови, но нуди и 46 други национални јадења.
3) Барселона, Шпанија
Гастрономската понуда во овој град е разновидна – 48 национални јадења, а омилено туристичко место за љубителите на храната е пазарот “La Boqueria”
4) Виена, Австрија
Позната по доброто кафе, колбасите полнети со кашкавал и еклектичните пазари, во Виена може да се пробаат 49 национални јадења.
5) Амстердам, Холандија
Амстердам нуди 49 национални јадења, а задолжително пробајте ги најпознатите тестенини во градот наречени "stroopwafel" – крцкави колачиња полнети со карамел сируп.
6) Брисел, Белгија
Покрај тоа што е најпознат по помфритот и вафлите, во Брисел има неверојатно богат избор на храна од над 50 различни национални јадења, на кои со сигурност нема да останете рамнодушни.
7) Сан Франциско, Калифорнија
Љубителите на храна отсекогаш ги привлекувал „Златниот град“ – не само поради рестораните кои нудат 60 национални јадења, туку и поради фактот што разни видови храна и пијалаци биле измислени токму тука. Како на пример што се колачињата за среќа, мартинито, лебот од кисело тесто, па и мимозите
8) Дубаи – Обединети Арапски Емирати
Овдешната кујна е сама по себе комбинација на иранската, либанската и арапската храна, а градот изобилува со разни готвачки стилови и култури од светот и нуди 64 разни национални јадења.