Секогаш посакуваме да отпатуваме некаде, особено кога се работи за продолжен викенд. Некои од вас посакуваат море и сонце, а други пак само свеж воздух и зеленило на некое планинско место.
Без разлика за што ќе се одлучите, за вас имаме одбрано супер дестинации на кои можете да побегнете за кратко за Велигденскиот продолжен викенд.
1. Кипар
Кипар е медитеранска земја, која се затоплува уште во март и април, па со сигурност ви гарантираме дека ќе уживате во посетата. Овој период од годината започнуваат сите растенија да се будат, па ќе уживате во прекрасниот мирис на цветовите, вкусната храна која ја нуди оваа земја и песочните плажи.
2. Крит, Грција
Велат дека пролетта најпрво пристигнува на Крит. Јужниот дел располага со потопли температури од северниот, но како и да е ќе уживате во погледот на морето, вкусна храна и супер ноќен живот.
3. Апулија, Италија
Многумина ќе се согласат дека природата во југот на Италија воопшто не била скржава. Токму во овој регион ќе имате можност да ја почувстувате вистинската Италија преку храна, танц и природни богатства. Овој регион се повеќе се развива, па ќе имате можност да уживате и во ново отворените хотели кои нудат незаборавна услуга. Она што мора да го посетите доколку се најдете во овој регион е местото Pogliano a Mare.
4. Сицилија, Италија
Доколку успеете да дојдете во Апулија, ви препорачуваме и да „тркнете“ до Сицилија. Полн со историја и уметност од Римската империја овој остров нуди многу за неговите посетители. Доколку се одлучите да го посетите овој остров, со време резервирајте си сместување бидејќи, Сицилија знае да биде пребукирана за време на празниците.
5. Охрид
Доколку пак сте ограничени со буџетот и не можете да си дозволите едно вакво луксузно патување, ви препорачуваме да го посетите Охрид. Нашиот најубав град, во кој ќе имате можност да уживате во пролетните денови, прошетка крај езеро и да посетите неколку историски, црковни, археолошки и многу други места кои со сигурност ќе ви го направат овој Велигден посебен.