Крстарењето на некој од многуте гламурозни бродови може да биде прекрасно искуство, но и нешто сосема спротивно. Она што го гледаме на промотивните фотографии и видео материјали не секогаш изгледа идентично и во реалноста.
Еве неколку разочарувачки фотографии кои ги покажуваат ваквите разлики:
1) Качување на бродот
Според промотивните фотографии, ова е моментот кога започнува уживањето и авантурите. Во реалноста, тоа е моментот кога со часови може да чекате во огромни редици на превисока температура, исполнети со подеднакво нервозни и изиритирани патници.
2) Палубата – место за уживање и релаксација
Палубата во каталозите делува како рај на земјата – идеално место за сончање или (мирно) читање на некоја книга. Во реалноста, многу е веројатно дека ќе имате огромни потешкотии да најдете слободна лежалка или слободно да се движите без да не сакајќи стапнете врз некого.
3) Џакузи со поглед на океанот
Што може да биде поубаво од релаксирање во џакузи со поглед на океанот? Сигурно не фактот што најверојатно тој поглед ќе мора да го делите со уште неколку истомисленици.
4) Пространи соби
Не сите соби се како оние од брошурите – со огромни прозорци, телевизор и простран кревет.
5) Гламурозна работа
Можеби сметате дека работата на некој од ваквите бродови е гламурозна како што тоа некои фотографии се обидуваат да го прикажат. Во реалноста, поголемиот дел од вработените живеат во мизерни услови во малечки соби без никаква приватност.