Нема подобар начин да погледнете некое ново место, отколку од височина, што е причината што огромен број туристи патуваат до далечни локации кои нудат прекрасен поглед.
Меѓутоа, во зависност од временските услови и аголот од кој што се набљудува, одредени глетки воопшто не се спектакуларни колку што очекувате или сте ги виделе на професионални фотографии.
1) Ориенталната бисерна кула, Шангај
Оваа кула висока 467m. нуди глетка од 360 степени од 4 различни катови врз градот и реката Хуангпу. Само надевајте се дека денот на посетата нема да биде магловит, што е многу честа појава во Шангај.
2) “Бесконечниот базен“ на кровот на хотелот Sands во заливот Марина, Сингапур
Лоциран на 57-миот кат, глетката од овој базен на фотографиите делува фантастично. Но, во реалноста во неа доминираат кранови и опрема за дупчење нафта.
3) Големиот Кањон, Аризона
Големиот Кањон е едно од природните чуда кои секој мора да го посети барем еднаш во животот. Сепак, доколку се случи тој ден да е облачен, глетката ќе биде многу поразлична од онаа на фотографиите во проспектите за него.
4) Статуа на Исус Христос Искупителот, Рио де Жанеиро
Оваа позната статуа висока 30 метри нуди панорамски поглед врз Рио де Жанеиро, но за време на туристичката сезона неа ја посетуваат 3000 до 4000 посетители дневно, па да се дојде низ целата таа гужва до просторот од каде видикот е убав знае да биде предизвик.