Иако патувањето вон сезоната со себе носи разни неповолности тоа има и предности, а една од нив е бројот на луѓе или туристи со кои ќе бидете опкружени.
Еве како некои популарни дестинации изгледаат во врвот на, и вон туристичката сезона:
1) Кони Ајленд, Њуjорк
Во летните месеци на брегот на Кони Ајленд се собираат околу 6 милиони луѓе, но во зима оваа локација е речиси празна, па така плажите и забавниот парк се затворени од септември до мај.
2) Венеција, Италија
Низ Венеција поминуваат толку многу туристи, па градот се има обидено да ги забрани бродовите за крстарење како и да го ограничи бројот на посетители. Тука поминуваат 30 милиони туристи годишно, од кои најголемиот број помеѓу јуни и август.
Венеција во зима нуди едно сосема ново искуство, па доколку можете да се соочите со ниските температури и студени ветрови во зимските месеци, задолжително посетете ја тој период.
3) Исланд
Популацијата на Исланд е само 332 000, но годишно го посетуваат околу 1.8 милиони туристи, претежно во летните месеци. Но, во зима кога е исклучително студено, бројот на туристи се намалува правопропорционално со температурите. Најкраткиот ден во декември има максимум 5 часа сончева светлина.
4) Големиот Кањон, САД
Не само што јули и август се најтоплите месеци во Кањонот, туку тогаш има и најмногу врнежи, но и најголеми туристички гужви – во 2017-та во тие месеци бројот на посетители изнесувал скоро 800 000.
Во зимските месеци, пак, бројот на туристи е значително намален и сместувачките капацитети и рестораните често се затворени вон сезоната кога бројот на посетители е под 300 000.
5) Санторини, Грција
Преголемиот број туристи во Санторини предизвикал грчката национална туристичка организација да го лимитира бројот на патници од бродови за крстарење на кои им е дозволено да го посетат ова место. Во 2017-та на Санторини поминале околу 2 милиони туристи, во споредба со бројот на жители кој е само 25 000. Во зимските месеци гужвата е значително помала, па така шансите за разгледување на популарните туристички атракции се поголеми.
6) Бали, Индонезија
Помеѓу мај и септември кога е сувата сезона и шансите за монсуни се мали, на Бали одат милиони луѓе – скоро 7 милиони годишно.
Во дождовната сезона која трае од ноември до март бројот на туристи значително се намалува бидејќи бројот на дождливи денови секој од овие месеци е дуплиран од вообичаениот.