Секое место е прекрасно на свој начин. Сепак, во светот има дестинации кои едноставно ќе ве воодушеват со својата убавина.
1) Реката Caño Cristales, Колумбија
Позната и како „река од 5 бои“ и „течно виножито“, оваа река изгледа нормално во поголемиот дел од годината, сè додека не „експлодира“ со бои од јуни, до ноември. Во тој период, уникатна билка наречена Macarenia clavigera расте на дното на реката, давајќи црвена боја која се меша со сината боја на водата, зелениот мов и жолтиот песок.
2) Пештерите Ваитомо, Нов Зеланд
Илјадници црви ги осветлуваат овие пештери кои се отворени за јавноста од 1889-та, а кои на Маорите им биле познати многу пред тоа. Всушност, името Ваитомо (Waitomo) потекнува од маорските зборови wai (вода) и tomo (дупка или влез).
3) Камената шума, Кина
Oваа „шума“ направена од камен се протега на површина од 390 km² и е стара 270 милиони години. Гигантските столбови се антички формации креирани од ерозијата од вода, ветрот, како и од сеизмички активности. Во оваа шума има и пештери, водопади, езерца, како и подземна река.
4) Езерото Мазасир, Азербејџан
Ова розово езеро бојата ја добива од микроорганизмите наречени халофили и најинтензивна е во летниот период.
5) Геолошки парк Zhangye Danxia, Кина
Овие колоритни планини се направени од слоеви минерали и карпи, кои настанале кога тектонските плочи предизвикале островот кој денес е Индија да се судри со остатокот од Евроазискиот континент.
6) Плажата Reynisfjara, Исланд
Плажата Reynisfjara делува како да е од друга планета, благодарение на црниот песок, базалтните карпи и маглата која често ја опкружува, а понекогаш од тука може да се видат и Северните светла.
7) Skógafoss, Исланд
Овој водопад тече не од еден, туку од два глечера (Eyjafjallajokull и Myrdalsjokull). Според легендата, викингот наречен Thrasi го скрил неговиот сандак со злато токму под водопадот.
8) Биолуминисцентни плажи, Малдиви
За да се искусат овие магични светлечки плажи, треба да се посети било кое од 1190-те острови на Малдивите.
9) Мермерни пештери, Чиле
Лоцирани во Патагонија, мермерните пештери на Чиле познати и како „Мермерна катедрала“ биле креирани пред повеќе од 6000 години од брановите кои ги еродирале карпите.
10) Планината Еребус, Антарктик
Иако е тешко да се поверува, во Арктикот има и вулкани. Планината Еребус е најсеверниот активен вулкан во светот кој датира од пред 1.3 милиони години.