Плажата со најбел песок на планетата Земја

До сега сме имале многу прилики да се информираме за разни скриени природни богатства, за проѕирно сини води, па дури и за најубавите плажи што постојат, но знаете ли каде се наоѓа плажата со најбел песок на светот?

Судејќи по Гинисовата книга на рекорди, плажата со најбел песок се наоѓа во Австралија. Таа е наречена Хајамс и се наоѓа на заливот Џервис во Нов Јужен Велс. Истата претставува мега популарна туристичка дестинација, како и место од соништата за крунисување на бракот на многу заљубени.

Покрај неверојатниот песок и кристално чистата вода која е идеална за нуркање, пливање и сурфање, оваа плажа претставува централна точка на регионот и е поврзана со Морскиот парк, бројни патеки за планинарење и околни шуми. Вистински рај на планетата!