Намиб – во превод: пространо место – е најстарата пустина на светот, која се наоѓа во југозападна Африка. Оваа голема пустина зафаќа површина од 50.000км од кои 1.600 се граничат со крајбрежјето на Атлантскиот океан.
Иако пустината Намиб е ненаселена и непристапна, некогаш постоеле привремени населби за живеење близу големите песочни дини, кои со висина од 340 метри се едни од највисоките песочни дини во светот.
„Морската пустина“ е дом на голем број необични ендемски видови билки и животни, кои живеат од маглата, со оглед дека тоа им е единствен извор на вода.
Во 2013 година, УНЕСКО ја стави на листата на светско наследство и ја опиша како „единствена крајбрежна пустина на светот во која има магла на огромните песочни дини“.