Кејот понекогаш е место на кое се одвиваат најдобрите забави во градовите кои можат да се пофалат со море. На него се сместени најдобрите ресторани, клубови и кафе барови, но и места каде што се одвиваат најголемите концерти и претстави.
И токму поради тоа кејовите имаат некаква посебна магија. Ви ги нудиме најубавите кејови во Европа, од кои мора да посетите барем еден и таму да уживате во залезот на сонцето.
Брајтон
Брајтон од неодамна е прогласен за најдобра светска дестинација за одмор на плажа. Наутро на овој кеј се наредени продавачите на риба, а потоа се претвора во место за вистинска забава. Посебна убавина на кејот им даваат уметниците кои сликаат прекрасни пејзажи и портрети.
Кливдон
Ова е град кој се наоѓа во Обединетото кралство, а неговиот кеј датира уште од 1869 година. Сепак, не е толку популарен поради настаните, туку поради самиот изглед, кој совршено се вклопува со Викторијанскиот шарм на градот.
Зелин
Зелин е кеј на Балтичко море, а се наоѓа на германскиот остров Руген. На кејот се наоѓа ресторан и прекрасна гондола за лулање.
Блекпул
Ова дефинитивно е омиленото одморалиште на Британците, кои токму на ова место ја наоѓаат вистинската забава, а има и многубројни атракции.
Херингсдорф
Еден од најсофистицираните градови во Германија. Дури и денес можете да ја почувствувате магијата на златото од 20-те години од минатиот век.
Кромер
Сигурни сме дека ова е единствениот кеј во светот на кој е сместен театар. Веднаш до театарот се наоѓа спасувачка служба, во случај некој вљубеник на културата да одлута во море.
Бланкенберг
Глетката на овој град е препознатлива токму поради кејот кој се протега на 350 метри длабочина во морето, а завршува со зграда на која има осветлено шеталиште.
Шевенинген
Ако сте во потрага по мирот и тишината, ова е вистинското место за вас. Иако понекогаш е полн со посетители, овде секогаш владее тишината, а можете да уживате и во звукот на брановите.
Сопот
Овој древен кеј е најстара атракција во Сопот, мал град во северна Полска. Воедно е и најдолга дрвена конструкција во Европа која се протега на 511 метри, а е широк 10 метри.
Плок
Со својата феноменална локација на реката Висла, преубавата конструкција совршено се вклопува со околниот пејзаж.