Британскиот 26-годишник со авантуристички дух, одлучил од корен да го промени својот живот. Прво дал отказ, за 3.000 евра купил комбе и го претворил во едноставен стан со купатило за да патува низ светот.
Мајк Хадсон го исполнил сонот кој многумина уште го сонуваат. Претворањето на комбито во стан на тркала траело четири месеци, но потоа тој имал дом во кој секојдневно уживал на разни места.
- Преку ден работев во канцеларија, а навечер работев на комбито. Живеев во Шефилд и навистина го сакам тој град. Имам одлични пријатели во Англија, со кои седевме во стан под кирија. Имав автомобил и добра работа. Сепак, гледајќи наназад, бев несреќен. Се чувствував заробен и често мислев дали тоа не е мојот вистинскиот живот. Морав нешто да променам. Сакав нешто да доживеам, се досадував и имав сон од кој не можев да се оттргнам, објаснил Мајк.
Сега, дневно преживува со 12 евра, а трошоците за горивото ги дели со автостопери. Пари заработува од блогови, каде што ги поттикнува луѓето на сличен живот, а нешто заработува и како уличен забавувач.