Венеција е сигурно еден од најубавите градови на светот. Сепак, на овој италијански град кој се наоѓа на 118 острови, низ кои потекуваат 170 канали, а над кои се наоѓаат повеќе од 400 мостови му се заканува исчезнување и тоа до 2030 година.
Иако првата помисла ви е дека можеби тоне во море, но причината за пропаѓањето е тоа што условите за живот во градот се многу лоши, но и животот е многу скап. Пред три децении во градот живееле 120.000 луѓе. Денес во Венеција има само 55.000 жители. Предвидувањата се дека градот до 2030 година ќе остане без жители. Причината поради која го напуштаат градот е скапиот живот.
Имено, иако годишно во Венеција доаѓаат по 20 милиони туристи, само половина од нив може да си дозволат ноќевање во некој хотел. Иако за последните 25 години, посетата на туристите е зголемена за пет пати, хотелите во Венеција бележат огромни загуби.
Исто така, пропаѓаат и рестораните бидејќи туристите се одлучуваат попрво да јадат некој сендвич отколку да седнат во прескапи ресторани.
Диего Рендолфи (49), еден од гонделиерите кој 15 години вози туристи низ Венеција, вели дека годишно заработува по 131.000 годишно, но дека ни тоа не е доволно за да си дозволи еден стан во градот. Поради тоа, со својата жена живее на еден од обиколните острови бидејќи поевтина е киријата.