Северна Кореја веројатно нема да се најде на листата дестинации кои треба да ги посетите за време на летниот одмор, но оние кои се одлучуваат за летување во оваа земја, обично се изненадуваат од убавината на нејзините плажи.
Блескавото сино море и чистите плажи ќе ги изненадат и најпребирливите туристи. Токму затоа, една кинеска туристичка агенција одлучила во својата понуда да ја додаде и Северна Кореја. Но, дали би се осмелиле да ја посетите?
Гарен Џонсон, сопственик на компанијата изјавил дека летувањето во Северна Кореја, со оглед на строгите правила, закони и обичаи е многу посигурно од една обична прошетка во Лондон.
-На нашите клиенти отворено им кажуваме што може да очекуваат и како треба да се однесуваат, вели Џонсон.
Тој истакнува дека се работи за почитувања на културата и традицијата и дека тоа се очекува од туристите во која било земја. Северна Кореја има богата историја, но и фини жители.
-Луѓето ќе се изненадат кога ќе ја посетат Северна Кореја и ќе видат дека сè е нормално и колку се луѓето отворени.