Младиот фудбалер на Арсенал, Арон Ремзи поседува талент за голови, но според бизарната статистика секој негов гол е потенцијална смртна казна за славните личности.
Според таа статистика, дивата Витни Хјустон беше последната жртва на „смртоносниот“ Арон Ремзи.
Фудбалерот на 11-ти февруари постигна гол на натпреварот против Сандерленд и истиот ден пејачката Витни Хјустон беше пронајдена мртва во хотелска соба во Беверли Хилс.
На 19 октомври, минатата година Ремзи постигна гол против Марсеј во Лигата на шампионите, а следниот ден либанскиот полковник Моамер Гадафи беше фатен од бунтовниците и убиен.
Истиот месец, на 2 октомври Ремзи постигна гол на натпреварот против Тотенхем, а само по 3 дена на 5 октомври почина Стив Џобс од рак на панкреас.
На 1 мај Ремзи постигна гол против Манчестер Јунајтед на Емирати а веќе следниот ден Осама бин Ладен беше убиен во Пакистан.
Оваа необична „клетва“ од Ремзи веќе доби и своја фан страна на Фејсбук наречена „ Saving an Aaron Ramsey shot is like saving someone's life“.