Млада кенијска мајка која роди близнаци ден после претседателските избори во САД, на синовите имиња им даде по актуелниот и иден претседател Барак Обама и кандидатот на републиканците за таа функција Мит Ромни.
Милисент Овуар е очигледно една од оние кои ги зафатила грозница од американските избори, па 20-годишната мајка се одлучила на овој чекор, пишува Стандард.
Болницата во која се породила оваа Кенијка се наоѓа блиску до селото од каде што потекнува таткото на Обама и каде и денес живее маќеата на татко му на Обама, Сара Обама (90).
Жителите во Кенија се надеваат дека повторниот избор на Обама на чело на државата ќе донесе погодности во нивната земја и дека САД ќе има нов, подобар почеток во односите со Кенијците.