Така млада, а веќе моќна. Силното музичко влијание кое го поседува Тејлор Свифт го забележаa и во најпознатиот бизнис магазин Forbs, кој ја додаде на листата на најмоќни жени на планетата и тоа на 64-то место.
Со додавањето на нејзиното име на листата, Тејлор стана најмлада жена која некогаш се нашла на листата на Forbs.
- Не само што сруши многу рекорди при продажба на албуми и го воодушеви светот со своите искрени текстови, туку се докажа и како импресивна бизнис жена, стои во објаснувањето на магазинот.
Тејлор, чиј албум „1989“ е трет албум по ред кој е продаден над милион примероци во првата недела од објавувањето, опишана е како „глобална мегаѕвезда во микс на жанрови“. Заедно со Тејлор на листата на најмоќни жени се најдоа и Опра Винфри (12 место), Бијонсе (21 место), Елен Деџенерис (50 место), Анџелина Џоли (54 место) и Софија Вергара (57 место). На првата позиција се најде германската канцеларка Ангела Меркел, а веднаш зад неа се најде Хилари Клинтон. Првата дама на САД, Мишел Обама се наоѓа на 10 место, додека кралицата Елизабета II е на 41 место.