Топ селебрити тема на Балканот денеска е веста дека турските власти започнаа да го испитуваат потеклото на имотот и парите на познатиот пејач и композитор, Мустафа Сандал, кој во нашиот регион е познат како маж на Емија Јаховиќ.
Пејачката не остана нема на сите шпекулации и написи по медиумите па реши да се изјасни за целата ситуација:
- Ние сме чесни луѓе, не сме криминалци па да проневериме пари на било кој начин. Чесно си заработуваме и се занимаваме со оваа работа. Никогаш немавме проблем со законот, рече за Blic пејачката Емина, кога беше прашана за пишувањата на турските медиуми дека нејзиниот сопруг, кој е еден од најпознатите турски пејачи и композитори има проблеми со законот околу затајувањето на данок и неколку измами.
Емина овие денови се наоѓа во Белград, каде снима спот за најновата песна.
Главна тема во турските медиуми последните денови се парите кои овој пар немилосрдно ги троши, а новинарите го поставуваат секогаш истото прашање, „Од каде им се“?!“
Како што пишуваат медиумите се започнала откако еден композитор од Грција го тужел Мустафа Сандал за авторски право, наведувајќи дека Сандал ја украл неговата песна која ја обработил, ја продавал преку интернет и заработил цел милион турски лири (околу 350.000 евра) за два месеца! Тогаш започнаа и приказните за измамата и тамошните власти започнаа да ги проверуваат приказните за потекло на имотот на Мустафа и Емина кој го поседуваат.
Според медиумите, Сандал перел пари од 2001-та година, најпрво преку издавачката куќа на својот менаџер, а потоа и преку својата. Менаџерот наводно е осуден на три години затвор и платил два милиони лири (700.000 евра), а Мустафа се уште е на суд.
Адвокатот на Сандал барал на пејачот да му се суди по стариот закон од 2000-та година, по кој би добил казна од три до шест месеци и казна до 50 милиони лири (17 милиони евра), додека обвинителството инсистира да му се суди по новиот закон по кој за секое вакво дело пропишана е затворска казна до две ипол години и парична казна околу 52 милиони евра.
- Тоа се само приказни, колку да има што да се пишува. Сето тоа е преувеличено. Се пишуваше и за недвижностите и за бродот кој го купивме, но тоа нема врска со проневера на пари. Јахтата се води на нејзино име.
На прашањето на Blic да открие дали скапоцената јахта која нејзиниот сопруг неодамна ја купил за два милиона евра, а за опремување наводно се потрошени преку 100.000 евра, како што пишуваа турските медиуми, го носи нејзиното име, Емина се збуни:
- Па, мислам дека тоа... ние сме... Малку е глупаво да зборувам за тоа, рече Емина, а потоа се посоветува со својот PR кој и рече што треба да каже.
- Тие работи немаат врска со мојата кариера, кратко одговори. Новата јахта инаку, како што пишуваат турските весници се води на ими на Емина Сандал.