Романсата помеѓу актерите Бурак Озџивит (30) и Фахрие Евсен (29) наскоро ќе биде крунисана со брак. Како што пренесуваат турските медиуми Бали Бег и Неџла веќе ги купиле венчалните прстени, но не го откриваат датумот и местото на својата венчавка.
Актерката имала голема трема пред да се запознае со родителите на Бурак за кои се вели дека се прилично традиционални и строго се држат до традицијата. Сепак, тие добро ја прифатиле Евсен и со нетрпение очекуваат да им стане снаа.
Бурак и Фахрие за прв пат се запознаа на снимањето на серијата „ Дневникот на Фериде“ и од тогаш се неразделни еден од друг.
Иако никој од нив јавно не коментира за својот приватен живот нивните пријатели велат дека одлично се согласуваат и ќе бидат мошне среќни во бракот.