Долгогодишното момче на Кортни Кардашијан, Скот Дисик, со кој има три деца, моментално се наоѓа во Монте Карло, каде што целосно се опушта. Тој заборавил дека е татко и дека е во врска со друга жена, па решил да си се забавува со стилистката Клои Бартоли. Она што е уште поинтересно е дека Клои и Скот се поранешни љубовници.
Папараците го забележале парот мошне близок, како се прегрнуваат, се допираат, се држат за раце, па дури и се ранат и пијат од иста чаша. Сигурно оваа близина нема да ја имаат ако се само пријатели. Но, од она што сме го виделе на реалното шоу „Keeping Up With the Kardashians“ јасно ни е дека сите девојки со кои бил Скот, му се само „пријателки“.
Извори блиски до Кортни, тврдат дека и здосадило лошото однесувањето на Скот, пијанчењето и излегувањето со различни девојки, па таа го избркала од дома.
- На Кортни и е мило што Скот си замина, бидејќи работите и се многу полесни без него. Во последно време беа многу напнати. Она за што се грижи таа се нејзините деца и благодарна е што Скот бил дел од нивниот живот. Но, ако тој продолжи да избегнува време со своите деца, тие ќе раскинат, а таа нема да биде очајна. Всушност, сигурно ќе и биде многу подобро, изјавил извор близок до Кортни.
Кортни од Скот има три деца, Мејсон, Пенелопи и Рејн, чие целосно старателство и припаѓа неа, со оглед на тоа дека не се во брак. Можеби токму поради ова, Кортни не сакала да се омажи со Скот, затоа што на овој начин, барем децата се кај неа.