Обрачот околу комичарот Бил Козби полека се стеснува откако Associated Press дојде до документи во кои се тврди дека Козби уште во 2005-та признал дека под дејство на седативи силувал жени.
Според документите тој и кажал на Андреја Констанд (една од жртвите) дека и дал три дози на седатив. Таа излезе со изјава дека Козби ја силувал во неговата вила во Филаделфија, но детали од случајот не излегоа во јавноста бидејќи адвокатскиот тим на комичарот се погрижи сè да биде изведено во најголема тајност.
Во 2004-та 14 жени го обвинија Козби за силување, но сите случаи беа решени со тајна спогодба помеѓу двете страни.
Документите кои сега излегуваат на виделината на денот откриваат дека во 1978-ма година актерот силувал 19- годишна девојка.
-И дадов седатив, имавме секс. Не можев да проценам колку е свесна за сето тоа што се случува. Мислам дека беше среќна што има прилика да се најде во тоа шоубизнис опкружување, стои во изјавата на комичарот.
Многу од жртвите на Козби со години молчеле за неговите силувања бидејќи мислеле дека никој нема да им верува на приказната дека еден од омилените телевизиски ликови во суштина крие мрачна тајна.
Интересно е да се забележи дека во споменатите документи Козби никогаш не вели дека ги силувал жените, туку дека едноставно сакал да има секс со нив.