Можеби неодамна ја објавија нивната разделба, но изгледа дека Бен Афлек и Џенифер Гарнер не можат туку така да се одделат. Оваа недела, Бен заминал за Атланта каде што Џен имаше снимање за филмот „Miracles From Heaven“. Се појавил мошне запуштен, но со кученце во раце, што е одличен повод за да си ја види својата жена.
По оваа посета, се појавија разни гласини дека парот повторно ќе живее заедно кога ќе се врати во Лос Анџелес. Според одредени медиуми, Бен и Џен ќе изнајмат куќа во Холивуд и тоа со пет спални и бањи која чини 30.000 долари месечно.
Имено, тие моментално ја реновираат нивната фамилијарна куќа, која ја купија во 2009 година, па токму затоа некое време ќе живеат под кирија. Многумина сметаат дека токму ова е добар знак и дека парот конечно ќе се смири.