Полицијата во Шведска го уапси познатиот рапер Снуп Дог во саботата под обвинение за дрога. Сепак, раперот бил пуштен на слобода по анализите на урината.
- Сообраќајната полиција го уапси Снуп Дог по рутинска контрола, под сомнение дека возел под дејство на дрога. Беше уапсен и одведен во полициската станица, рече портпаролот за „Гардијан“.
Сето ова го погоди раперот кој во притвор сними и неколку видеа каде објаснува дека е уапсен без причина и дека се работи за случај за расно профилирање.
- Жал ми е за тоа, но никогаш нема да се вратам во вашата земја, рече луто Снуп и објасни во следното видео:
- Ме доведоа тука, ме натераа да уринирам во чаша, не пронајдоа ништо. Но, подобро е да ве претресат и да не најдат ништо, отколку кога воопшто не ве претресуваат. Видеото го завршува со псовка.