Популарната македонска пејачка, Тијана Дапчевиќ, која гради успешна кариера во Србија се огласи по повод пишувањата на медиумите дека се разведува од сопругот Милан по 15 години брак.
Брачниот пар, кој го има 6-годишнииот син Вук, веќе некое време се соочува со проблеми во бракот кои очигледно не може не може да ги разреши.
На тоа во прилог му оди и фактот дека популарната Македонка е видена како го напушта семејниот стан во Вождовац, населба во Белград. Сепак, Тијана не сака да го коментира својот брачен живот, а како што вели денеска за српските медиуми, таа за тоа не разговара ниту со мајка си.
- Тоа е моја работа во која зборувам само со сестра ми Тијана. Дури ниту мојата мајка не знае што се случува во моментов. Не сакам да разговарам за тоа низ што поминувам, рече Тијана за магазинот Hello, а истото го објави и Blic.
Интересно, истиот магазин на насловната страница напиша дека „разводот е неминовен“. Останува да видиме што ќе се случува во иднина и дали Тијана ќе се врати да живее во Македонија.