Ветено, сторено. Мајли Сајрус го исполни својот збор и како водителка на овогодинешните МТV видео музичките награди се појави во едно од можеби најскандалозните изданија досега.
Дваесет и две годишната пејачка која просто обожува да шокира и да го привлекува вниманието на јавноста со својата голотија, овој пат беше модерна Барбарела.
Најважните делови од нејзиното тело беа прекриени со минијатурни парченца материјал и украси, но тоа ни малку не го затскриваше фактот дека Сајрус е потполно гола.
Некогаш слатката Хана Монтана, чекореше по црвениот тепих како од мајка родена воопшто не грижејќи се за негативните критики кои ќе ги добие поради ваквиот потег.
Па, така ништо не остана на фантазијата, а на фоторепортерите им преостана само да го фатат вистинскиот агол за да направат што попровокативна фотографија.