Откако вчера буквално целиот свет зборуваше за нејзината провокативна облека и контроверзното водење на VMA музичките награди кои секоја година ги доделува телевизискиот канал MTV, Мајли Сајрус денеска повторно е селебрити ѕвезда на денот.
Имено, пејачката позната по својот бурен начин на живот, провокативно облекување, но и врските како со мажи, така и со девојки изјави дека е пансексуалка.
По шпекулациите за љубовната ориентација на пејачката, се огласи и самата таа, објаснувајќи за што станува збор.
- Многу сум отворена во тој поглед. Јас сум пансексуалка, но не сум во врска. Имам 22 години, излегувам, но го менувам стилот на секои две недели, како и лицата со кои сум во врска, изјави младата пејачка во интервју за британскиот магазин „Ели“.
Пансексуалност е сексуална ориентација слична на бисексуалност, но пофлексибилна. Пансексуалците можат да уживаат во разни видови сексуалност и врски со мажи, жени, трансродови, андрогини и родово неопределени лица.