Иако токму за спотот за песната Blurred Lines ја лансираше меѓу ѕвездите, таа не е горда на тој дел од кариерата!
Една од најубавите жени на планетата, Емили Ратајковски, која светот ја дозна преку појавувањето во спотот за песната Blurred Lines на Робин Тики и Фарел, конечно после неколку години реши да проговори за своето искуство. Иако таа песна ќе остане запаметена по тужбата за плагијат и контроверзниот спот, Емили од сето тоа имаше само корист.
Сепак, прекрасната Ратајковски вели дека сега е време да направи рез помеѓу себе и тој спот во кој таа се појавува топлес.
- Во почетокот бев против тој спот бидејќи мислам дека изгледа многу нервозно. Сега, на тоа гледам како на грешка во мојата кариера, рече Емили и додаде: Кога некој ќе ме праша за видеото за Blurred Lines, јас возвраќам со прашање дали сега мора да разговараме за некое видео кое било пред три години. Некако ми е чудно за реакцијата која што ја имаат луѓето за голото женско тело и сфаќам колку е конзервативна нашата култура. Мајка ми ме учеше никогаш да не се извинувам за сексуалноста, а татко ми пак ме научи никогаш да не се чувствувам засрамена. Јас не се срамам од моето тело, но и не мислам дека сум нешто супер-секси. Тоа е сепак само моето женско тело, изјави таа.
И покрај тоа што Емили не го сака видео спотот, сепак факт е дека тој ја вивна во ѕвездите, но притоа и ги отвори и вратите од Холивуд, каде се појави во филмовите Gone Girl, We are your friends и Entourage.