Дека вистинскиот пријател се познава во неволја, покажа фолк дивата Цеца, која кога сфатила дека писателката Исидора Бјелица, нема пари за да го продолжи лекувањето од туморот, одлучи да и помогне.
Како што пишуваат српските таблоиди, Цеца ја повикала Исидора и нејзината ќерка Вила на кафе и тогаш и понудила пари за лечење во една од најдобрите клиники во Лондон. Својата замисла веднаш ја спровела на дело и Исидора веќе се наоѓа во рацете на најдобриот тим на лекари во Англија.
Откако неколку месеци поминала во Швајцарија, каде што поради финансиска помош не можела да ја прими целата терапија, Исидора се вратила во Србија, каде што Цеца ги преземала работите во свои раце со цел нејзината долгогодишна пријателка да ја води битката заедно со неа.
- Исидора е моја долгогодишна пријателка. Кога мене ми беше најтешко, таа беше до мене. Сега, кога неа и е тешко, секако дека јас ќе бидам покрај неа. Ќе ја подржам и во добро и во зло, вели Цеца, која верува дека писателката има голема желба и надеж дека и овој пат ќе се избори со болеста.
Исидора никогаш нема да заборави тоа што во овој момент и помага Цеца.
- Пријател е личност која е со тебе кога ти е најтешко. Вистинските пријатели се познаваат во мака, од длабочината на душата вели Исидора, која и е неизмерно благодарна на пејачката.