Во играта за големи пари, секогаш има нови пресврти и стратегии. Токму кога сите помислија дека Големиот брат направил одлична работа што повторно ги споил Ервин и Стефани изгледа потегот ќе ја расипе романсата помеѓу двајцата станари бидејќи Ервин и фрлил око на уште една девојка.
Додека Стефани беше во тајниот дел од куќата со фамилијата Васиќ, Ервин се зближи со Барбара. Сега кога повторно се заедно со Стефани, тој се уште мисли на русокосата Барбара.
-Моментално сум со Стефани, но за Барабара ќе кажам се најдобро. Девојката досега остави најголем впечаток врз мене, но сега сум со Стефани, така да и таа е ОК девојка. Не сакам да зборувам за Барбара, му откри Ервин на Големиот брат во собата за исповед.
Во разговор со уште една учесничка во шоуто Ервин сподели дека се плаши од тоа да биде одбиен од Барбара.
Во меѓувреме Стефани на големо му изјавува љубов и е пресреќна што повторно се заедно. Сепак, изгледа дека нејзината среќа кратко ќе трае. Парот се согласи повеќе да нема односи бидејќи тоа не им се допаѓа на преостанатите станари.