Еден од најпознатите магазини за голотија по долги години работа го менува имиџот, оставајќи ги голите девојки во минатото.
Според раководните лица во Плејбој промената ќе започне од март 2016-та. Во печатената верзија на списанието и понатаму ќе има девојки во провокативни пози, но повеќе нема да бидат потполно голи.
-Еден бесплатен клик ве дели од секоја можна секс ситуација. Веќе нема поента, вели Скот Фландерс, извршниот директор на магазинот.
Подемот на порнографијата ги исфрли во втор план магазините од типот на Плејбој, па некогаш едно од најпродаваните списанија за возрасни денес има тираж од одвај 800 илјади парчиња.
Затоа менаџментот од сега ќе се фокусира на содржини кои полесно ќе можат да се промовираат на социјалните мрежи како Facebook, Twiiter и Instagram со цел да привлече малку поинаква публика.