Поранешниот НБА кошаркар, Ламар Одом, полека, но сигурно заздравува откако заврши во кома поради предозирање со наркотици и вијагра.
Неговата сопруга, Клои Кардашијан, деновиве раскажува за тоа низ што се поминаа за време на најкритичните денови, како изгледа кога мораш да донесеш одлука за живот или смрт.
-Тоа е страшен повик. Застрашувачки е да треба да одите во болница знаејќи дека е во кома и дека ќе треба да се направат низа на тестови или да се донесат медицински одлуки, вели Клои и додава дека првично и било кажано дека Ламар има само 4 часа живот.
-Треба да донесете многу тешки одлуки. Ви велат „Во ред, ако ја направиме оваа операција шансите да умре се 80 проценти. Но, ако не ја направиме тогаш има 90 проценти шанса да умре“. Самата помисла дека треба да донесеш таква одлука е стресна за било кого. Ова беше еден од најстресните периоди во мојот живот, објаснува таа.
Реалити ѕвездата откри дека Ламар одново учи да зборува и да се движи. Лекарите се надеваат дека за година и пол до две години кошаркарот потполно ќе закрепне, но сега за сега е рано да се зборува за тоа како ќе се одвива целиот процес.