Доналд Трамп е моментално најконтроверзниот претседателски кандидат кој се натпреварува за фотељата во Белата куќа. Претставник на Републиканската партија, Донал Трамп до сега беше критикуван за неговите конзервативни погледи и политики, но на изненадување на многумина, тој не се откажа од трката.
Доналд од 2005-та е во брак со словенечката екс манекенка Меланија Трамп. Таа е негова 3-та сопруга и мајка на 10-годишниот Бајрон Вилијам Трамп, најмладото дете на Доналд, но кои се останатите нешта кои треба да ги знаете за Меланија?
1. Таа е натурализиран граѓанин на САД
По венчавката со Доналд, Меланија која е всушност родена и израсната во Севница, Словенија (екс СФРЈ) стана натурализиран државјанин на САД. Ако Доналд биде избран за претседател, Меланија ќе биде само 2-та „прва дама“ која не е родена на американско тло. Првата е Луиза Адамс, сопругата на Квинси Адамс.
2. И таа е успешен бизнисмен
Како што Трамп има „империја“ во казина и недвижнини, така и Меланија има своја „империја“ во QVC синџирот на продавцници каде ја продава нејзината линија на дизајниран накит.
3. Доналд ја поканил на состанок додека веќе бил на состанок со друга жена
Се запознале додека и двајцата биле во придружба на други луѓе. Доналд и го побарал телефонскиот број, но Меланија одбила бидејќи веќе и двајцата биле во врска. Подоцна таа му побарала контакт телефон, а Трамп и дал 3 од неговите телефонски броеви. Според американските медиуми останатото е историја.
4. Позираше гола
Меланија е можеби првата потенцијална „прва дама“ која позирала гола за насловна страна на магазин. Таа во 2000-та година се соблече за британската верзија на GQ магазинот.
5. Се разбира во политика, но не ги искажува политичките мислења во јавноста
Причината за тоа е да не го одвлече вниманието од кампањата на Доналд, но таа за американските медиуми призна дека двајцата често дискутираат за тековните проблеми во кампањата и Доналд всушност ја прашува за совети.
