Според германскиот дневен весник „Билд“, играчот од средниот ред на Манчестер јунајтед, Бастијан Швајнштајгер наскоро ќе се ожени за српската тенисерка Ана Ивановиќ. Според весникот, за следниот месец е подготвена тајна венчавка, за која не се знаат деталите, иако се шпекулира дека ќе биде или во Србија и во Шпанија, а Енди Мареј е еден од поканетите.
Швајнштајгер би ги повикал своите пријатели од светот на фудбалот, иако не е јасно кој покрај германските колеги од Баерн ќе биде поканет од тимот на Манчестер јунајтед. Ова претходно беше најавено од шампионката од Австралискиот опен, Германката Анџелике Кербер, која откри дека едвај ја чека венчавката.