Турбофолк ѕвездата, Светлана Цеца Ражњатовиќ, неодамна покрена конкретни мерки против лажните профили и навредливите коментари кои кружат за неа на социјалните мрежи. Во интервју за Prva, даде коментар за својата постапка, како и за наводната љубовна врска со манекенот Александар Јововиќ.
-Се претставуваат во мое име, им пишуваат на моите пријатели, ја користат мојата терминологија, просто неверојатно. Луѓето влегле во мојот лик и морам некако да се заштитам, вели пејачката, која поради сите лаги и клевети, побара помош од надлежните институции.
Еден од оние кои редовно ја напаѓаат јавно, е и Војин, синот на Аркан од претходниот брак.
-Тој ја користи туѓата слава за да се експонира себе си. Жалосно, но што да правиме, што е тука е. Тој е син на Жељко , јас го почитувам споменот на мојот покоен сопруг и никогаш нема да речам ништо лошо, ниту за него, ниту за било кој друг. Мислам дека и со избрани зборови можете да им кажете на луѓето што мислите, а да не бидете вулгарни, изјави Цеца.
Запрашана за својата романса со манекенот Александар Јововиќ, пејачката рече дека повеќе не би сакала да коментира на таа тема.
-Сето тоа е пласирано на толку грд и агресивен начин, што не можам да седнам во автомобил со некого затоа што утре тоа ќе биде пласирано како врска. На што личи тоа? Каков е тој доказ?
Аферата за наводната љубовна врска се појави во јавноста откако Цеца и Александар беа фатени од папараците како заедно влегуваат во автомобил.