Даниел Кајмакоски не се плаши од предизвици. Впрочем изгледа како да ги обожува!
Во третата епизода од „Tvoje Lice Zvuci Poznato“ пејачот ја имаше тешката задача да се трансформира во Тина Тарнер.
Освен тоа што одлично се снајде на потпетици, Даниел максимално се потруди да го долови гласот на светски познатата дива.
Имитацијата освен што го воодушеви жирито доби најмногу поени и од гласањето на преостанатите натпреварувачи, па така Кајмакоски го освои првото место во вечерашната епизода.
Чекот од 1000 евра, наменет за хуманитарна цел, ќе му го додели на момчето Кико од Крушево, за чијa што здравствена состојба не сакаше да открие повеќе детали.
TLZP и оваа недела приреди интересни изненадувања и неочекувани музички комбинации на сцената.
Спојувањето на Јеца и Цеца, или подобро кажано на Дара Бубамара и Милица Павловиќ, помина подобро од очекуваното.
Милица се потруди најдобро што може да ја „скине“ Цеца, додека Дара и покрај непријателството со Карлеуша најпрофесионално си ја заврши задачата.
Најемотивниот момент на вечерта несомнено беше имитацијата на Каја Остоиќ која требаше да изведе песни од Ивана Петерс.
За време на настапот на сцената се појавија Гоца Тржан и преостанатите членови од некогашната група „TAP 001“ во која Петерс своевремено членуваше, што пријатно ја изненади пејачката.