Шарлот Елизабета Дајана на 2 мај го прослави својот прв роденден. За таа цел, војводата и војвотката на Кембриџ објавија специјални фотографии еден ден пред роденденот, а по еден ден соопштија какви подароци добила принцезата.
Кога си принцеза добиваш честитки и подароци дури од 64 земји, а те посетуваат и најголемите светски лидери, како што е Барак Обама. Имено, минатата недела тој и Мишел беа во посета на Британија, а приликата ја искористија и да и подарат нешто на Шарлот, па се одлучија за сложувалка и мека играчка во облик на кучето Боа од Белата Куќа.
Британскиот премиер Дејвид Камерун и подари бајки од данскиот писател Ханс Кристијан Андерсен, а премиерот на Канада, Џастин Трудо и подарил скафандер и книга. Од Нов Зеланд добила плишено мече, ќебенце и чизми од волна, додека од Кина комплет свилени фигури.