Неодамна Бруклин Бекам на неговиот профил на Instagram објави низа фотографии од неговата нова љубов, актерката Клои Мориц. Откако на некој начин ја потврдија врската, заљубените птички се појавија на црвениот тепих по повод премиерата на филмот Neighbors 2: Sorority Rising, во кој главната улога ја има токму Клои.
Иако беа срамежливи, сепак ја покажуваа својата љубов гледајќи се во очи и прегрнувајќи се. Клои се појави во краток фустан од тантела со длабоко деколте, додека Бруклин во сако и бела кошула, прилагодени на неговиот тинејџерски изглед.
Очигледно дека двојката е сериозна во своите намери, со оглед на тоа дека на премиерата беа присутни и мајката и четирите браќа на Клои.