Џејмс Мекавој и Александра Шип, актерите кои се дел од X-Men Apocalypse, најновиот блокбастер на Marvel, продолжуваат со промотивната турнеја во САД, а таблоидите продолжуваат со следење на нивната романса.
Двајцата веќе беа дел од интервјуто во Good Morning America, утринска програма во САД, каде зборуваа за филмот, но пристигнаа одделно и одбија да зборуваат за нивната тајна афера.
По објавата за разводот на Џејмс Мекавој од сопругата Ен Мари Даф, шкотскиот актер е поврзуван со колешката во филмот, Александра Шип. И покрај тоа што ниту еден од двајцата актери јавно не ја потврдил врската, таблоидите во САД, но и В. Британија тврдат дека аферата која трае веќе неколку месеци, е една од причините за распадот на бракот на Мекавој.
Мекавој и Ен Мари Даф според заедничкото соопштение во јавноста пријателски се разделуваат. Двајцата се родители на синот Брендон Мекавој.