Оскаровецот и еден од најдобрите режисери во Холивуд, Стивен Спилберг со инспиративен говор се обрати до студентите на Харвард универзитетот кои дипломираа во студентската година.
-На херојот му е потребен негативец, а вие студенти имате среќа. Светот е полн со чудовишта. Со негативци. Луѓе полни со расизам, исламофобија, етничка, политичка и религиска омраза. Бидете филмскиот херојот, објасни Стивен во својот говор, а во обраќањето се осврна и на повеќе други теми, вклучувајќи ја и нивната потенцијална иднина по дипломирањето.
-Мојата работа е да создадам свет кој трае 2 часа. Ваша работа е да создадете свет кој ќе трае засекогаш. Вие сте идните иноватори, мотиватори, лидери и доктори, објасни режисерот.
Спилберг оваа година ќе се претстави на публиката со најновото филмско дело, The BFG, а премиерата можеме да ја очекуваме на 1-ви јули.