Актерот Антон Јелчин (27) кој го гледавме во улогата на младиот Павел Чеков во новиот серијал на Star Trek, e пронајден мртов на патот кон својот дом во Сан Фернадино, Калифорнија.
-Антон Јелчин рано утринава почина во фатална сообраќајна незгода. Неговото семејство во моментот бара да ја почитувате нивната приватност, изјави публицистот на Јелчин.
Јелчин починал откако бил удрен од сопственото возило, по што завршил згмечен помеѓу автомобилот и поштенското сандаче од цигли кое е во склоп на капијата.
По се изгледа дека возилото едноставно се поместило поради стрмнината на која што се наоѓа патеката кон неговиот дом и го фатило актерот неподготвен.
Неговите пријатели и колеги се уште се во неверување по веста за неговата смрт.
Социјалните мрежи се преполни со коментари за трагичната загуба на актерот кој пред себе допрва требаше да има блескава филмска кариера.