Бијонсе и Џеј Зи уживаат на Хаваи, каде што заслужено се одмараат од обврските кои ги имаат во текот на целата година.
Продуцентот и рапер заедно со неговата сопруга, која неодамна објави нов албум, беа видно расположени на плажа. Со коктели во рака, покажаа како вистински се ужива.
Бијонсе носеше едноделен шарен костум за капење со долги ракави, дополнет со венче за коса и ланче во жолта боја, како и бордо кармин.
Џеј Зи како и секогаш беше едноставно облечен во шорц и маица, па ја остави Би да се истакне повеќе од него.
На официјалната страна на Бијонсе се појавија многу фотографии од нивниот одмор, каде што се гледаат среќните и расположени фаци на парот, но и на нивната ќерка Блу Ајви.
