Сите знаеме дека Мишел Обама е првата дама на Америка, која е толку многу кул, што дури и прифати да пее караоке со единствениот Џејмс Гордeн. Имено, Џејмс тргна на тура низ Белата куќа заедно со Мишел, а воедно и слушаа песни.
Мишел пееше и беше опуштена како и секоја нормална жена. Започнаа со Стиви Вондер, кој е нејзин омилен пејач, продолжија со Бијонсе и „Single Ladies“ и на крај рапуваа со Миси Елиот, која беше специјален гостин. При разговорот таа ги откри нејзиното и тајното име на претседателот Барак, Renaissance и Renegade. Исто така, зборуваше и за нејзината кампања која ја покрена преку Snapchat, преку која се надева дека ќе допре до оние девојки во светот кои не се образовани и ќе ја подигне нивната свест.