Холивудскиот заводник, Леонардо Ди Каприо, народски кажано, знае како со еден удар да убие две муви.
Освен тоа што успеа на едно место да собере куп познати личности, неговата фондација досега донираше повеќе од 59 милиони долари на 112 проекти низ целиот свет.
На Лео му појде од рака да ги убеди ѕвездите од А- листата како Арнолд Шварценегер, Боно, Мартин Скорсезе и ред други да донираат пари и нешта за фондацијата.
Традиционалната вечера во југот на Франција и овој пат беше гламурозен настан за паметење, каде се собраа едни од најзвучните имиња од модниот и филмскиот бизнис.
Лео се потруди неговите пријатели да се чувствуваат пријатно за време на вечерата, а воедно одржаа и страствен говор за целите и плановите на фондацијата.