Јелена Карлеуша со години е убедена дека нејзината најголема соперничка, Светлана Цеца Ражњатовиќ го нарачала убиството на нејзиниот поранешен свршеник, Зоран Давидовиќ.
Непријателството меѓу пејачките трае веќе 20 години. Се верува дека Цеца била љубоморна поради пријателството помеѓу Карлеуша и нејзиниот сега починат сопруг, Аркан. Близок извор до Јелена, за српски Курир вели дека и после сите овие години Карлеуша верува дека Цеца го нарачала убиството на Давидовиќ.
-Јелена повеќе пати во друштвото изнесуваше детали за разговорот на Цеца и Зоран по убиството на Аркан. Уште во глава и се вртат зборивте на Светлана: Ќе ти се влечат цревата по Белград. Затоа и јавно го потенцира пријателството на Цеца со убијците на нејзиниот тогашен свршеник, вели изворот.
Своевремено и самата Карлеуша го потврди тоа во интервју за еден неделен магазин.
-Таа е супер пејачка, но по ѓаволите со тоа пеење, концерти, хитови кога зад сето тоа стои толкав мрак...Цеца беше во кумство со луѓето кои го убија мојот свршеник. Не велам дека таа го повлекла чкрапалото, но по моите сознанија имала голема користи од тоа што Зоран беше убиен.
Според познавачите на проблематиката, Давидовиќ навистина бил убиен од Земунскиот клан како одмазда за убиството на Аркан, но не постои цврст доказ дека и Цеца била инволвирана во ликвидацијата.