Холивудските свадби се најчесто гламурозни, луксузни и екстремно скапи. Славните личности не штедат пари за денот кога ќе „рипнат во тавче“, но двајца од холивудските актери имаа малку поинаква свадба, скромна.
Декс Шепард и Кристен Бел стапија во брак во 2013-та година и веќе се родители на две ќерки. Но, дури сега ги објавија фотографиите од нивната свадба, која како што објасни актерката ги чинела само 142 долари.
Двајцата стапија во брак во матично во Беверли Хилс, а невестата не ни носеше бел фустан, туку напротив класичен црн фустан со прекрасен и масивен накит.
-Се венчавме во малечка соба во Беверли Хилс, без гости и други присутни лица, но тоа беше најсреќниот ден во нашите животи, изјави Бел во интервјуто за CBS Sunday Morning.
Кристен Бел оваа година ја видовме во комедијата The Boss, а наскоро и во најновиот филмски проект, Bad Moms.
Погледнете ги фотографиите од нивната свадба во 2013-та година.
