Ким Кардашијан и Каније Вест во најмала рака може да се наречат неконвенционална двојка. Сетете се само како завршија заедно!
Каније ја освои додека сè уште беше во брак со Крис Хемсфорт, по што таа веднаш остана бремена. Заедно снимија мошне бизарно музичко видео, а воедно прават и нешта кои другите луѓе би ги оцениле како ексцентрични.
За разлика од другите мажи кои би биле љубоморни на фактот што Ким постојано се соблекува гола и прави селфи фотографии кои потоа ги постира на друштвените мрежи, Каније е горд.
-Ги обожавам нејзините голи селфи фотки. Ги сакам оние од страна, од напред, од назад. Едноставно сакам да ја гледам гола. Сакам голотија, вели Каније во новото интервју за Harper’s Bazaar.
Но, Вест не застанува тука. За него Ким е уметничко дело, модерна верзија на слика од Ренесансата.
-Мислам дека е мошне важно, Ким да ја има својата фигура. Да не ја покажува би било исто како Адел да не пее, додава тој.
Сепак, на изненадување на многумина омилениот дел од телото на Ким не му е задникот, ниту пак нешто поврзано со физичкиот изглед.
-Најубавиот дел од телото на Ким ми е нејзиното срце, објаснува раперот, а таа додава дека и таа го сака неговото срце, но и неговите нозе.
Ах, љубов...Или само добар ПР?