Најубавата двојка набрзо веќе нема да биде заедно. Како што објави TMZ, Анџелина Џоли поднела документи за развод од Бред Пит, а воедно и бара старателство врз сите шест деца!
Според магазинот Page Six, Анџелина дознала дека Бред имал афера со Марион Котиљард и тоа преку приватен детектив.
- Ангажираше приватен детектив, бидејќи почувствува дека тој ја лаже за снимањето на филмот. И тогаш на виделина излезе се, изјавил анонимен извор за магазинот.
Имено, Бред и Марион се главни ликови во новиот филм Allied, кој моментално се снима. Ова е главната причина за разводот, а исто така и тоа што Анџелина веќе не можела да го трпи Бред под дејство на марихуана и алкохол.
Парот започна врска во 2004 година, а по десет години подоцна се венчаа. Анџелина ја застапува адвокатот кој го застапуваше Џони Деп во разводот со Амбер Херд. Сепак, таа не бара никаква алиментација од сопругот.
Актерката ги поднела документите минатата недела, односно на 15 септември. Двојката со месеци не се појавува заедно во јавност, а последен пат беа фотографирани заедно на промоцијата на нивниот филм By The Sea.
