Пријателите на Анџелина и Бред откриваат дека причината за разводот на една од најпознатите двојки на светот, е караницата помеѓу Бред и синот Медокс, што се случила минатата недела.
Според пишувањата на медиумите Бред и Медокс имале расправија на приватниот лет од Франција, по што Анџелина решила да поднесе барање за развод. Се уште останува непознато зошто настанала караницата, но според изворите Бред во ниту еден момент физички не го нападнал момчето.
-ФБИ продолжува да ги собира фактите и ќе процени дали истрагата ќе продолжи на федерално ниво, велат од ФБИ кое веќе го повика Бред Пит на разговор.
Интерни извори до парот, велат дека однесувањето на Бред веќе долго време и пречело на Анџелина, но по инцидентот на авионот конечно решила да стави крај на нивната врска.
-Нештата се таложеа со времето, проблемот не беше само една работа. Таа го сакаше овој човек со години и разводот не е нешто што го направи импулсивно. Таа едноставно го направи она што мораше.
Бред и Анџелина се заедно од 2004-та година кога се запознаа на снимањето на Mr and Mrs Smith. Во тоа време Бред беше во брак со Џенифер Анистон, по што се разведе и остана со Џоли.