Војвотката од Кембриџ, Кејт Мидлтон, не штеди на својата облека, па за време на кралската посета на Канада, зачекори во модно парче од 4000 фунти.
Белиот фустан со црвени шари од колекцијата на Alexander McQueen, беше вистинскиот избор за Кејт, која заедно со принцот Вилијам, замина во Ванкувер каде ќе има неколку јавни појавувања.
Имитирајќи го канадското знаме кое е црвено- бело, Мидлтон го надополни скапиот фустан со чанта и потпетици во црвена боја. И додека мама и тато се поздравуваа со стотиците луѓе, кои дојдоа да ги видат, принцот Џорџ и принцезата Шарлот останаа со дадилката во Викторија.
